TRIBIZ BASERRI GALDUE [Antzerkia eta Txokolatea zikloa]
TRIBIZ, BASERRI GALDUE. Jon Ander Urresti [ANTZERKIA eta TXOKOLATEA]. Azaroak 21, domeka.
Emanaldia 18:00etan hasiko da.
SARRERAK:
Ikasle eta langabetuak: 7,5 €
Faktoriako Bazkideak: 10 €
Ez Bazkideak: 12 €
Antzerkia eta Txokolatea zikloko 4 saioetarako bonoa ere salgai:
Ikasle eta langabetuak: 25 €
Faktoriako Bazkideak: 36 €
Ez Bazkideak: 40 €
ANTZERKIA ETA TXOKOLATEA ZIKLOA
Antzerkira joateko ohitura gutxi dugu inguruotan, are eta gutxiago euskarazko antzerkia kontsumitzeko. Ziklo honen helburua da Aiaraldeko herritarrak antzerkira gerturatzea eta teloien atzean ezkutatzen den horretaz solastea sortzaileekin, txokolate goxo baten konpainiarekin beti ere. Horregatik antzezlanaren ostean, sortzaileekin solasaldia izango dugu Faktorian.
TRIBIZ, BASERRI GALDUE
SINOPSIA
700 urtetik gora dituen Bizkaiko baserririk zaharrenaren aurrean bizi naiz, atez-ate. Edo honetaz geratzen den harri eta haga erorien aurrean.
Gure familiaren azken belaunaldiko elkarren arteko gatazkek utzi zuten 1800 metro karratuko baserria arkeologia objektu bihurtzen. Baserri bat gelditzen den momentuan erortzen hasten baita. Sortez, akzioak erreproduzitzeko dokumentu batzuk kontserbatzen ditugu: Lan tresnak. Tresna hauek, lanaren nostalgiaren inguruan zabalduko digute gogoeta: Gure arbasoak baserria zutik mantentzen zuten akzioa hutsa ziren, lana. Akzio hauek ote dira gure ondarerik handiena?
Baserritarren bilobak aktoreak dira gaur egun: eszenaren bizitza, akzio eta tresna horien oihartzunaren erabilera bilatzen duten baserritar posmodernoak. Egungo gaia da baserriarekin dugun gaztaka: erabilera galtzen ari den ondarearekin zer egin?
FITXA ARTISTIKOA
Sortzailea eta Interpretea: Jon Ander Urresti
Zuzendaritza laguntza: Matxalen de Pedro eta Igor de Quadra
Eszenografia: Familia ondasunak
Argiztapena: David Alcorta
Soinua: Asier Renteria
Irudia: Aitane Goñi Landa
Bideoa: Arriguri Coop.
Ekoizpena eta Banaketa: Jon Ander Urresti
Ikerketa adituak: Bittor Uriarte Anasagasti, Ana Aurrekoetxea Bildosola eta Anton Erkoreka.
Elkarrizketatuak: Gotzone Ugalde Asla, Espe Ugalde Asla, Gurutze Ugalde Asla, Karmen Ugalde Asla, Angel Ugalde Asla, Lourdes Argintxona Asla
Banaketa laguntzailea: Irantzu Azpeitia
Itzulpena: Amaia Zapiain
Babesleak: Eusko Jaurlaritza, Hameka, Eztena jaialdia, Dantzerti, Centro coreografico de la Gomera, Horman Poster, Kulturaz Koop, Harrobia.
BIOGRAFIA LABURRA
Jon Ander Urresti Ugalde (Bermeo, 1992)
Filosofian graduatua eta DANTZERTI Bilboko arte eszenikoen goi mailako eskolan graduatua da. Kurtso osagarri ezberdinak egin ditu irakasle erreferenteekin: Vicente Fuentes, Andres Corchero, Roberta Carreri, Eugenio Barba, Fabio Mangolini, Francesco Carril, Chisato Ono, Andrea Gimenez... beste askoren artean.
Egun proiektu artistiko-pedagogiko ezberdinetan murgilduta dago eta HORMAN POSTER taldearen parte da , ANTIGONE antzezlanarekin biran dabiltza eta beste hainbat proiektu dituzte eskuartean.
Interprete moduan, Arriagako produkzioetan lan egin du: “Madrigales”, “FACES” ikuskizunetan, eta telesailetan ere aritu da.
Hurrengo proiektua Théâtre des Chimères taldearekin burutuko du, Fabio Rubiano kolonbiarraren zuzendaritzapean.
BIDEOAK
