KOOPERATIBA ETA BERE ILDOAK

NORTZUK GARA?

Aiaraldea Ekintzen Faktoria, irabazi asmorik gabeko gizarte ekimeneko erabiltzaileen eta langileen kooperatiba bat da. 2010 urtean elkarte bezala sortu, eta Aiaraldean euskarazko komunikabidean sortu eta elikatzeko langintzan aritu ginen bost urtez. Lan horren fruitu dira gure eskualdean hedapen handiena duten www.aiaraldea.eus webgunea (2.500 erabiltzaile bakar egunero) eta Aiaraldea Hemen paperezko hamabostekaria ere (8.000 ale doan eskualde osoan). 

Gure eragin eremu hurbila Arabako 5 udalerrik (Laudio. Amurrio, Aiara, Okondo eta Aiara herrik) eta Bizkaiko lauk osatzen dute (Urduña, Orozko, Arrankudiaga-Zollo eta Arakaldok), muga politiko-administratiboetatik harago, eskualde soziologikoa osatzen duten udalerrietan hain zuzen ere. Guztira 45.000 biztanleko populazioa du Aiaraldeak, Bilborekin lotura handiago dugularik Gasteizekin baino. 

Eskulde erdaldun batean kokatuta gaude (biztanlegoaren %50 erdalduna da, %25a euskalduna, eta beste %25a aldiz, euskaldun hartzailea). Euskal Herrian langabezi tasa altuenetakoa duen eskualdea da gurea, azken urteetan sozioekonomikoki bereziki zigortua izaten ari dena2016an proiektuaren lehen urte horietako bilana egin eta Aiaraldea 2020 gogoeta estrategikoa egin zuen gure elkarte txikiak, etorkizuna nola marraztu nahi zuen erabakitzeko. 

Gogoeta hark erabateko eraldaketa ekarri zuen: ordura arte euskararen biziberritzea komunikazioaren esparruan kokatzen bagenuen ere, ordutik aurrera bizitzako esparru guztietan euskaraz egituratuko ziren alternatiba eraldatzaileak lantzea erabaki baigenuen. 

Modu horretan gure lan ildo estrategikoen artean kokatu genituen ondoko hauek:          

● Euskararen normalizazioa 

● Komunikazioa 

● Elikadura Burujabetza 

● Hezkuntza eta Aisialdia 

● Feminismoa 

● Ekonomia Sozial Eraldatzailea 

● Kultur-sorkuntza 

● Identitate Komunitarioa 

Euskaraz egituratutako proiektu eraldatzaile integrala izateko bokazioaz, elkartea irabazi asmorik gabeko Kooperatiba bihurtu genuen, eta besteak beste, Faktoria den egoitza sozial publikoa irekitzea ere.

GURE BALIOAK

TOKIKOAK gara.   Gure lurralde hurbilean bizi gara eta lan egiten dugu, txikitasunetik eta gertutasunetik Euskal Herrian eta munduan gure lekua aldarrikatzen eta eraikitzen dugu. 

KOMUNITARIOAK gara. Bere buruaren jabe diren eta garatzen diren jendarteetan sinisten dugu. Horretarako elkarlana eta lan-kooperatiboaren alde egiten dugu, nortasun eta premia indibidualak komunitate kolektiboen parte direla uste dugulako. 

ERALDATZAILEAK gara. Justizia sozialean, parekidetasunean, kultur eta identitate aniztasunean, garapen jasangarrian eta ekonomia sozial eraldatzailean oinarritutako jendarte-eredu berri baten alde lan egiten dugu. 

ERAIKITZAILEAK gara. Aiaraldeko jendartearen premia komunitarioei erantzungo dioten ekimenak eta proiektuak sustatu eta eraikitzea dugu xede. Gustuko ez ditugun errealitateak ukatzetik harago egin, eta norbanakoak era kolektibo eta bizigarri batean asebeteko dituzten errealitate berriak eraikitzen ditugu. 

LIBREAK gara. Gure hausnarketa, erabaki eta ekimenetan libreak gara. Dependentzia ekonomiko eta politikoetatik ihes egin, eta amesten dugun jendartearen kasuan bezala, gure buruaren jabe gara. 

ILDOAK

Gaur egun 513 familiek (1400 norbanakok) eta 8 lan-bazkidek osatzen duten Kooperatiba. Guztira 18 pertsona ari dira bertan lanean, ildo eta proiektu ezberdinak garatzen: 

KOMUNIKAZIOAAiaraldea Komunikabide Faktoria 2010eko apirilaren 17an sortu zen, euskarazko komunikazioa sustatzeko helburuarekin. Hastapenetatik izan da, komunikabide komunitarioa, euskaratik eta euskaraz, multimedia euskarri anitzetan tokiko informazioa denon eskutik denon eskura jartzeko xedez. Egun, Aiaraldea.eus webgunea, Aiaraldea Hemen hamabostekaria (bi astero 10.000 ale banatzen dira eskualde osoan zehar doan) eta sare sozialak (Instagram, Facebook, Youtube, Twich, Telegram...) ditu martxan hedabideak, besteak beste. Hala ere, bestelako jarduera sozialak ere antolatzen ditu: argazki edo bideo lehiaketak, solasaldi publikoak, elkarrizketa digitalak eta abar.

EUSKARAREN NORMALIZAZIOA: Aiaraldeko Euskalgintza Kontseilua , hizkuntzaren biziberritzean elkarlanean aritzeko 43 eragileren topagunea. 

HEZKUNTZA:  Kokoriko Aiaraldea Ekintzen Faktoriaren hezkuntza proiektua da, haur, nerabe eta gazteentzako hezkuntza eta aisialdi eskaintza eraldatzaileak egitea du xede.

ELIKADURA ETA BURUJABETZA Ekonomatua, tokiko produktu ekologikoen kontsumoa eta ekoizpena sustatzeko ekimena.

FEMINISMOA: 'Bor-Bor' Aiaraldea euskaraz feminismotik saretu eta ahalduntzeko sortutako Faktoriaren feminismo ildoa da. 2018tik gaur arte ekimen ugari gauzatu ditu: Aiaraldeko emakume* feministen topaketak, eskualdeko emakume* sortzaileen azoka, Aiaraldeko Mugimendu Feministaren historia ikerketa eta argazki erakusketa, solasaldiak...

KOMUNIKA. Komunikazio agentzia integrala: Egungo jendartean ematen diren komunikazio esparru eta molde guztiak sustatu nahi ditugu. Ohikoak diren zerbitzuetatik -aldizkarien erredakzio eta maketazioa edota instituzioetako komunikazio estrategiak adibidez-  publizitate kanpainen sorrera eta kudeaketa edota streaming-etara. Produktu baten jaiotzetik etxe, auzo edo saltokietara iritsi arte. Hala, gure zerbitzuen artean publizitatea, komunikazioa, ikus-entzunezkoen eta euskarri digitalaren sorrera, itzulpenak, sare sozialak, interpretazio lanak eta banaketa daude. Sartu komunika.eus web orrialdera.

KULTURA : Aiaraldetik, tokikotasunek, Euskal Herrira eta mugaz haraindi, kultura erein, ureztatu eta loratzen duen ildoa da; euskal sorkuntza, transmisioa eta hedapena landuz Kultur Faktoria komunitatearekin batera josten da, modu kolektiboan, eta muina Aiaraldeko ekosistema entzutearen zaintza da. Egitasmo anitzetarako espazioa, hibridoa eta dinamikoa.

EKONOMIA SOZIAL ERALDATZAILEA: Faktorian ekonomia eta lana pertsonen zerbitzura jartzen saiatzen gara, pertsonak erdigunean, eta ez alderantziz. Horretarako, bestelako ekonomia eredu eta harremanak sustatzen ditugu.

Elkar elikatu eta osagarritzen diren proiektu sozial hauek guztiak euskararen biziberritzearen norabidean kokatzen ditugu, balio eraldatzaile eta komunitarioetan sustraituz.