AIARALDEA KOOPERATIBA ELKARTEA 

NORTZUK GARA

Aiaraldea Kooperatiba Elkartea gara ,   irabazi asmorik gabeko gizarte ekimeneko kooperatiba, euskarari eta euskaldunoi komunitate integral bat eskaintzeko sortua. Gure kooperatiba hau Laudioko industrialdean kokatuta dago, auzolanean sortutako Aiaraldea Ekintzen Faktoria   espazioan. Ehun soziala euskaraz saretzeko, indartzeko eta ahalduntzeko xedearekin sortutako espazio eta tresna komunitarioa gara. Kultur sorkuntza, hezkuntza eta aisialdia, komunikazioa, feminismoa, ekonomia, elikadura burujabetza eta berrikuntza sozialak bezalako arloetan lan egiten dugu, identitate komunitarioa sustatuz.
Aiaraldea eskualdeko 525 bazkide erabiltzailek kudeatzen duten entitate soziala garen heinean, gure xede orokorra tokikotasunetik euskara(z) bizitzeko komunitatearen beharrei erantzuten dizkien tresnak sortzea da eta herritarren eskura jartzea.
Bizitzeko Faktoria gara, euskaraz, elkarrekin eta balio eraldatzaileekin.
Aiaraldea biziberritzeko Faktoria.
Euskaraz bizitzeko eta amesteko Faktoria da gurea, zurea, denona.

Nor izateko, amesteko

gure buruaren jabe izateko,

Aiaraldea eraldatzeko, euskalduntzeko.

 EUSKARAREN ARNASGUNEA. AMESTEKO FAKTORIA! 

GURE HISTORIA

2010. urtean elkarte bezala sortu, eta Aiaraldean euskarazko komunikabidea sortu eta elikatzeko langintzan aritu ginen bost urtez.

Lan horren fruitu dira gure eskualdean hedapen handiena duten www.aiaraldea.eus webgunea (2.500 erabiltzaile bakar egunero) eta Aiaraldea Hemen paperezko hamabostekaria ere (7.000 ale doan eskualde osoan).

Ordura arte euskararen biziberritzea komunikazioaren esparruan kokatzen bagenuen ere, ordutik aurrera bizitzako esparru guztietan euskaraz egituratuko ziren alternatiba eraldatzaileak lantzea erabaki genuen: kultura, hezkuntza, feminismoa, komunikazioa, elikadura burujabetza... Eta hortik gure zazpi ildoak sortu genituen, egunerokotasunean euskaraz bizitzeko.

Ondorioz, komunikazio proiektu izatetik komunitate integrala izateko jauzia eman genuen. Tamaina handiko apustu horri aurre egiteko, espazio handi bat behar genuen arrera eraman ahal izateko, eta horrela egin genuen. Laudio industrialdeko pabilioia erosi eta 2021eko udaberrian Aiaraldea Ekintzen Faktoria espazioa ireki genuen ofizialki, gaur arte.


HISTORIA GUZTIA EZAGUTU

HISTORIA

ILDOAK

KOMUNIKABIDEA
AIARALDEA
aiaraldea.eus

 HEZKUNTZA
KOKORIKO

ELIKADURA BURUJABETZA
EKONOMATUA
ekonomatua.eus 

KOMUNIKAZIO AGENTZIA
KOMUNIKA
komunika.eus

KULTURA
SORMEN FAKTORIA
kulturfaktoria.eus  

FEMINISMOA
BOR-BOR

EKONOMIA SOZIAL ERALDATZAILEA

GURE BALIOAK

TOKIKOAK

Gure lurralde hurbilean bizi gara eta lan egiten dugu, txikitasunetik eta gertutasunetik Euskal Herrian eta munduan gure lekua aldarrikatzen eta eraikitzen dugu. 

ERALDATZAILEAK

Justizia sozialean, parekidetasunean, kultur eta identitate aniztasunean, garapen jasangarrian eta ekonomia sozial eraldatzailean oinarritutako jendarte-eredu berri baten alde lan egiten dugu. 

LIBREAK

Gure hausnarketa, erabaki eta ekimenetan libreak gara. Dependentzia ekonomiko eta politikoetatik ihes egin, eta amesten dugun jendartearen kasuan bezala, gure buruaren jabe gara. 

KOMUNITARIOAK

Bere buruaren jabe diren eta garatzen diren jendarteetan sinisten dugu. Horretarako elkarlana eta lan-kooperatiboaren alde egiten dugu, nortasun eta premia indibidualak komunitate kolektiboen parte direla uste dugulako. 

ERAIKITZAILEAK

Aiaraldeko jendartearen premia komunitarioei erantzungo dioten ekimenak eta proiektuak sustatu eta eraikitzea dugu xede. Gustuko ez ditugun errealitateak ukatzetik harago egin, eta norbanakoak era kolektibo eta bizigarri batean asebeteko dituzten errealitate berriak eraikitzen ditugu. 


LAN EREMUA


ARABAKO 5 UDALERRI

Laudio, Amurrio, Aiara, Okondo eta Artziniega

BIZKAIKO 4 UDALERRI

Urduña, Orozko, Arakaldo eta Arrankudiaga-Zollo

45.000 BIZTANLE

ditu Aiaraldeak

  BIZTANLEGOAREN

%50a erdalduna 

%25a euskalduna 

%25a euskaldun hartzailea