Faktoria ITXITA dagoenean
BAZKIDEEK FAKTORIA BI MOMENTUTAN ERABILI AHAL IZANGO DUTE
1. IREKITA DAGOEN BITARTEAN,
hots, astelehenetik barikura 17:00-20:30era eta larunbatetan 10:30-14:00.
2. FAKTORIA ITXITA DAGOENEAN
(ekitaldirik ez badago). Eskaera hauek, baina, txoko zerbitzu gisa kudeatuko dira, horretarako baldintza eta araudiari jarraiki.
TXOKO ERABILERA/ Faktoria itxita dagoenean
Faktoria bazkide guztien etxea da eta txoko zerbitzua Kooperatibako bazkideen eskura egongo da soilik Faktoria itxita dagoenean. Sukaldea, barruko aretoa, kanpoko plana, zein goiko plaza erreserbatu ahalko dira, betiere aurrez jarduerarik programatuta ez badago.
Txokoaren helburua ez da inolako zerbitzu ekonomikorik sustatzea, bai ordea bazkideei beste eskaintza bat ematea. Guztiona da Faktoria, eta guztiok gozatzea nahi dugu!
Txokoaren erabilera ematean, bazkidearengan konfiantza jartzen da, bere etxea den Faktoria modu egokian zainduko duela jakintzat emanda. Beraz, Txokoaren erabilera konfiantzan oinarrituta dago, ondoko dokumentuko jarraibide eta arautegiak errespetatuko diren konfiantzan:
OSPAKIZUNAK FAKTORIAN/ Faktoria irekita dagoenean
ESPAZIOA ERABILI AHAL IZATEKO EZINBESTEKO BALDINTZAK
Ospakizunen bat (haur edo ingurukoen urtebetetzea, edo beste arrazoi batzuk medio jendea elkartu nahi den topaketa pribatu oro) Faktorian antolatu nahi bada, Faktoria irekita dagoenean izango da, eta
ezinbestekoa da bazkide batek jakinaraztea eta eskaera tramitatzea.
BAZKIDEE ESKATZAILEAK BETE BEHARREKO BALDINTZAK
Ospakizunetan bazkideek goiko plaza erabiltzeko aukera izango dute. Espazio horren erabilera ospakizuna eskatu duen bazkideena izango da soilik.
Baldintza hauetan agerdi ez diren egoera/baldintzak, txoko erabileraren araudiaren arabera kudeatuko dira.
Faktoriako programazioak lehentasuna izango du. Programazioa dagoenean, ospakizuna eta ekitaldia bateragarri egiten saiatuko gara. Ezinezkoa denean ospakizuna ezingo da egin.
Faktoria bazkideon (eta denon) etxea da. Horrek, euskararen arnasgune izateko konpromisoa bermatzera garamatza, euskararen erabileraren arduraduna Faktoria eskatu duen bazkidea izango delarik. Bazkide eskatzailearen esku geratuko da:
Ospakizunetarako espazio eskaera egitea.
Ospakizunera gonbidatutako kideei euskara eta espazioaren erabilera irizpideak partekatzea.
Ospakizuna adostutako espazio eta ordutegian garatzeko (goiko plazan).
Ospakizun egun eta tartean, bazkide erabiltzailea presente egongo da.
Janaria soilik Goiko Plazan jan ahalko da, haurrek espazio guztia jolaserako erabili ahal izango dutelarik.
Bazkide eskatzailearen ardura da Goiko Plaza garbi uztea, erratza eta fregona pasatzea barne.
Faktoriak, bestalde, bazkide eskatzailearen eskura jarriko ditu ohikoan saltzen dituen produktuak (patatak, fruitu lehorrak, zukuak, krispetak, garagardoak...). Hauek aurretik eskatu edo aurreikusi beharko ditu bazkideak (proiektuarekiko eta elikadura burujabetzarekiko konpromisoagatik, bertakoa kontsumitzera animatzen zaituztegu). Horrez gain, sukaldeko tresneria erabili ahal izango da (platerak, labanak, goilarak eta sardexkak), baina bazkideak du ardura hauek garbitzeko.
TARIFAK
Faktoria irekita dagoenean, ospakizunetarako hau izango da tarifa erabilera pribatuagatik (Goiko Plaza itxita egongo da publikoarentzat, jarduera tarte horietan):
DOAN
10 pertsona baino gutxiago
1€ PERTSONAKO
11-20 lagun bitartean
30€ + 1€ PERTSONAKO
21 lagun baino gehiago
60 lagun baino gehiago ezingo
dira etorri Faktoria irekita dagoenean (txoko erabilera gisa, eta Faktoria itxita dagoenean bakarrik).
BESTELAKO ZERBITZUAK
Bazkideak interesa edukiz gero, ordainduzko bestelako zerbitzuak eskaini ditzake Faktoriak:
Eskulan edo jolasen dinamizazioa
Ikuskizunak
Ospakizunetarako mokaduak
Informazio hau guztia dokumentu bakar batean jaso nahi baduzu, ordenagailuan zein mugikorrean izateko, egin klik!
PARTAIDEEKIKO ESKAKIZUNAK