Habitatuko pabilioi bat berbaldian, Mugak  Euskadiko Nazioarteko Arkitektura Bienalaren laugarren edizioan pabilioi bat eraikitzeko erabiltzen den proposamena ezagutzeko aukera izango dugu, hurrengo gaietan sakonduta: nazioarteko arkitektura bienala zein behark estudioaren HABIT [atu] proposamena ezagututa.

Solasaldian ere publikoak aukera izango du arkitekturari lotuta suertatzen zaizkion galderak argitzeko, arkitektura eta artearen arteko loturaz hausnartzeko, besteak beste. Azken finean, berbaldi honen helburu nagusia komunitateari arkitekturaren ezagutza zabaltzea da HABIT[atu] proposamenaren bitartez.

Mugak/HABIT[atu]Z tarteko espazio batean kokatzen den pabilioi mugalaria da, edukiontzi eta edukiaren artean, amaituaren eta amaitu gabekoaren artean, arkitektura bienal baten pabilioi gisa duen egungo errealitatearen eta gure hiri eta auzoak berpizteko sistema baten prototipo gisa duen etorkizunaren artean, egungo kokapenen singularraren eta etorkizuneko kokaleku bihurtuko den lekuaren artean.