Zer da estenopeika bat? Kutxa ilun bat, zulotxo txiki batekin, inolako beste artefakturik gabe, funtzionatzen duena argazki kamara legez. Camera obscura bat bezala baina miniaturan. Kaja barruan sartzen da paper fotosensible bat, zulotxo minuskulotik sartzen den argiak inprimatu egiten du irudia paperean, zuzenean, eta, gero, ilunpetan errebelatzen da, gela ilun batean (galdetu gela ilun bat zer den Amurrioko gaztetxean).

Atelierraren iraupena: Bi ordu inguru.

Materialak: Faktorian egongo dira beharrezko guztiak, baina etxean zuk ere estenopeikarik eginda bazenu, ekarri eta proba dezagun!

Nori zuzenduta: argazkilaritzaren oinarriak eta esperimentazioa interesatzen zaion edonorri zuzendua; ez da behar aurretik formakuntza berezirik.

Nahi duzu ikusi nola sortu zuen Camera obscura bat Tabakaleran 2009an? 

Bideoa

Oharra: Sarrera: 5€ / 6€ (materialak 'ordaintzen laguntzeko').